05-03-2024 – 30-03-2024
Mardis, gievgia e sonda, 14.30 – 17.30

Dumengia e gliendisdis serrau
gruppas sin annunzia

Café Romontsch Lumnezia
29.04.2024, allas 19.30
Biblioteca Lumnezia, Vella

Il Café Romontsch Lumnezia ha liug mintgamai il davos gliendisdis dil meins. Nus envidein giuven e vegl, romontschs e cunzun quels che han gest empriu romontsch, per porscher ina pusseivladad da sentupar, practicar romontsch e beiber ina gervosa ensemen.

Residenza 2024
Applicaziun avierta entochen 7 d’avrel
La residenza va ella secunda runda. Per la stad ella anteriura casa da scola a Tersnaus (GR) encurin nus artistas ed artists che sefatschentan cun tematicas dalla regiun.

Dapli: Residenza

2024: Fusiugnomias
reunir, entrar ed excluder
Curatur: Damian Christinger

Vernissage: 22.06.2024

La Casa d’Angel ei dapi 2015 la casa da cultura dalla Lumnezia. Mintga stad ha liug ina nova exposiziun – sin basa dalla collecziun d’art dalla Fundaziun Capauliana e cun curaturs hospitonts.

2023: hehe!
Sils fastitgs da nanins, baubaus e buttatschs
Curatura: Anne-Louise Joël
Fegl sgulont

2022: ovras
Werke aus Vals und Lumnezia
Curatura: Susanne Kudorfer
ovras-flyer

2021: il luf el visier digl art | der Wolf im Visier der Kunst
Curatura: Gabriele Lutz
luf-flyer

2020: Fotografias dalla Surselva 1900-1950
Casa d’Angel: veta purila
Museum Regiunal Surselva: handwerk
Fotostiftung Graubünden: architettura
Curatur: Guido Magnaguagno
Fotografias flyer

2019: futur – art pigl avegnir
Curatur: Michael Hiltbrunner
futur program
Blog: blogfutur

2018: midadas | Wandel
Curatura: Chantal Störmer
midadas_program

2017: crappa | Steine
Curatur: H.R.Fricker
Information in English
crappa_program

2016: passadis – über alle Berge
Curatur: Beat Gugger
passadis_program

2015: Val Lumnezia – aspects
Curatura: Nicole Seeberger
aspects_Carta

Nus essan TiM
Veis Vus gust da visitar la Casa d’Angel cun accumpignament? Mirei ensemen cun in guid da TiM l’exposiziun, inventei ina historia e publichei quella sin “Musée imaginaire Suisse”, www.mi-s.ch.
«TiM» ei adattau per tuts, da tutta vegliadetgna. Ina viseta da «TiM» ei gratuita. Inspiraziuns ed informaziuns anfleis Vus sin TiM – Tandem im Museum – Mit TiM ins Museum.

La Fundaziun da cultura Lumnezia organisescha en cooperaziun cun la Lia Rumantscha sentupadas regularas per persunas cun interess pil romontsch.
Il Café Romontsch dalla Lumnezia ha liug en differents loghens dalla Lumnezia e sedrezza oravontut a persunas ch’ein vegni neutier e vulan trenar e perfecziunar il romontsch plidau. Denton ein Lumnezianas e Lumnezians cun interess da dar vinavon lur lingua materna enten tschintschar fetg beinvegni.
Il proxim termin anfleis el calender

Marenda & sporas
In scazi ord fils da coniv e glin sezuppava ditg igl emprem si surcombras dalla casa Castelberg a Peiden, pli tard tier la tessunza Mieke van Santen. Ella ha ussa en collaboraziun cun la Casa d’Angel tessiu tuaglias e sitgets exclusivs, che vegnan vendi cun ina spora, medemamein fatg a maun ella Lumnezia. Cun in bi leporello d’informaziuns davart il material e la historia san’s cumprar las teilas da marenda sulettamein ella Casa d’Angel. Ediziun totala: 20 tuaglias e 25 sitgets.

Lumnezia. Ses nums e sias detgas, sia historia e sia cultura
Aschia il tetel dall’ovra da Martin Cabalzar, cumparida fin 2022.
In schatg anfleis cheu

Da cumprar en Casa d’Angel, via email ni cun talun d’empustaziun
Prezi 50.- frs excl. porto e pachetadi.

Il nanin dalla Casa d’Angel
Tgi mira la notg dil cristagl e daco ei igl esch dil Fuorn dil Cristagl aschi pigns? Daco san’s mintgaton buc arder las cazzola ni arver las portas? Dat ei forsa ein nanin ella Casa d’Angel?
Ensemen cun scolars e scolaras dalla Lumnezia va artista Sarah Clavadetscher 2023 ad intercurrir quellas damondas e da scaffi in cudisch per affons davart il nanin dalla Casa d’Angel.

Lumnezia dessegnada
In cudisch da malegiar cun motivs dalla Lumnezia, dessegnau da LumnezianAs el ed ordeifer la val. Cumpara tenor plan fin 2023. Leis era Vus separticipar cun in motiv? Cheu va ei tier igl invit da separticipar: Carta cudisch da malegiar

Egl inventari da habitadis da Lumbrein vegn il edifeci descrets detagliadamein. La moda da construcziun ei speciala, medemamein la posiziun en la gruppa da Sut Baselgia, all’entrada el center dil vitg a Lumbrein.
La casa ei vegnida erigida en pliras etappas. Ils mirs dil plaunterren derivan tenor las fuormas dallas glischs finiastra sil pli tard dil temps entuorn 1600, fuorman denton buc in’unitad sco quei che las differentas sorts d’averturas, la grossezia dils mirs e las filadiras malulivas schessen supponer.
Las parts pli novas da lenn ein datadas da 1757. Ellas cumpeglian il surcombras, in spazi da combras stretg dalla vart dalla grunda settentriunala – probabel ina sort da baghetg d’economia (remisa). La part sura dalla casa da lenn el cantun dil sidvest ei vegnida cuvretga entuorn 1900 cun slondas pintgas ed ha survegniu finiastras novas. Vid quellas parts da lenn ein era las tipicas decoraziuns dil 18avel tschentaner semantenidas, numnadamein tetgals artgai che fineschan en tgaus-cavagl stilisai.
Suenter la renovaziun da 1757 cumpigliavan ils plans dall’alzada da habitar duas stivas, in pierti ed ina cuschina cunfinonta culla preit-stiva, quei che regorda a casas d’ina famiglia cun fueina communabla per pegna e platta da fiug.
Ils davos habitonts da quella casa eran Angel Caviezel cun ses confamigliars. A Lumbrein vegneva quella casa perquei descretta e nominada sco la “Casa d’Angel”.
Duri Capaul (1923-2009) ha giu cumprau quella casa e surschau ella alla vischnaunca da Lumbrein per diever da l’administraziun communala. 1987 ha igl architect Peter Zumthor renovau il baghetg.

„Ein Museum ist eine gemeinnützige, auf Dauer angelegte, der Öffentlichkeit zugängliche Einrichtung im Dienste der Gesellschaft und ihrer Entwicklung, die zu Studien-, Bildungs- und Unterhaltungszwecken materielle und immaterielle Zeugnisse von Menschen und ihrer Umwelt beschafft, bewahrt, erforscht, bekannt macht und ausstellt.“ Definition des Museums nach ICOM, 2004.

La Casa d’Angel ha negina rimnada dad objects ed ei consequentamein buca in museum el senn tradiziunal. Tuttina ei la Casa d’Angel commembra dalla organisaziun d’interess Museen Graubünden sco era il Verband Schweizerischer Museen e cun quei obligada dad ademplir las pretensiuns digl ICOM.