Archivio della categoria: Fundaziun

Fundaziun

La Fundaziun da cultura Lumnezia tgira e promova la cultura lumneziana e cultivescha la schientscha per valurs dalla vallada. La fundaziun sviluppescha e sustegn ideas e projects che cumpeglian lungatg, natira, architectura ed activitads culturalas en Lumnezia.
La vischnaunca Lumnezia ha surdau alla Fundaziun l’incumbensa da menar la Casa d’Angel a Lumbrein sco casa da cultura per la val. Duront temps d’exposiziun surprendan ils “Angelists” la survigilonza. Auters ein activs sco guids da cultura, archivars ni el Café Romontsch.

Suprastonza

Martin Cabalzar, parsura
Silvio Capeder, cassier
Ramun Capaul, viceparsura
Remo Derungs, representant dalla vischnaunca Lumnezia
Martin Heisch, commember
Alexi Nay, actuar
Eva Riedi, commembra

Meinagestiun

Marco Coray. BA en historia d’art e giurisprudenza.
Sco meinagestiun dalla fundaziun eis el responsabels per la realisaziun dallas activitads da fundaziun da perscrutaziun, producziun, intermediaziun e manteniment dil patrimoni cultural en Val Lumnezia. 
Sco menader dalla Casa d’Angel organisescha el plinavon l’exposiziun annuala.

Menaders da projects

Archiv cultural: Simon Derungs
Café Romontsch: Trudi Cantieni
Campus convivenza: Tobias Heinisch
Casa d’Angel: Marco Coray
Ediziuns: Martin Cabalzar e Sarah Clavadetscher
Residenza: Aline Schoch & Leander Albin

 

Ils Angelists

Ils Angelists fan la survigilonza en Casa d’Angel duront temps d’exposiziun. Els muossan bugen l’exposiziun a Vus e prendan peda per Vossa damondas.

 

 

 

 

 

 

 

 

 

Guids

Ils guids dalla mira!cultura Lumnezia ein per part historichers dil fatg ed en mintga cass fetg interessai en la historia, cultira e cultura dalla Lumnezia. Els ein tuts sescolai vinavon da menar gruppas a moda interessanta e segira atras ils vitgs ni cun car atras la val.
Sche Vus haveis ina sentupada da famiglia, classa ni uniun, san nos guids procurar per cuorturiala e bia bunas historias.
Dalla partida ei era l’organista da professiun Franziska Staehelin che accompagna las turas d’orgla cun siu vast e divertent repertoire.